Kaddu ki sabzi khane se kya fayde hote hain

Kaddu ki sabzi bahut kam logo ko pasand hoti hain. Lekin aapko jaankar hairaani hogi ki kaddu mein kai aise nutrients paye jate hain jo dusre kisi sabzi mein nahi hote hain. Ek taraf kaddu jaha faydemand hain vahi iske beej bhi poshak tatvo se bhare huye hain. Iska sewan labhkari mana jata hain.

India mein kaddu ki kai saari parjatiya payi jati hain. Inhe inke aakaar-prakaar ke base par mukhya roop se Sitaphal, chapan kaddu aur vilayti kaddu jaisi category mein divide kiya gya hain. Kaddu ki sabzi aur halwa aadi ko vrat ke dino mein bhi khaya jata hain. Aaiye jante hain kaddu khane se hame kya fayde hote hain.

1. Kaddu takat badhane wala aur khoon saaf karne wala hota hain.

2. Is sabzi mein dil ki bimariyo ka ilaj karne ki capacity hain.

3. Kaddu aur iske beejo mein Vitamin C, E, Iron, Calcium, Potassium, Zinc, Protein aur Fiber aadi bahut hi acchi matra mein paye jate hain.

4. Isme khoob resha yani ki fiber hota hain jo kabz ko door karne mein madad karta hain.

5. Infection phailane wale bacteria se hame bachata hain, shayad yahi wajah hain ki kaddu ko purane zamane se hi guno ki khan mana jata raha hain.

6. Yeh pet se related gadbadiyo ko door karne mein faydemand hain.

7. Yeh khoon mein sugar level ko control karne mein madadgar hota hain. Pancreas ko bhi active karta hain.

8. Kaddu lambe samay se bukhaar mein bhi asarkaari hain. Isme bukhaar ko door karne wala gun paya jata hain.

9. Ise danthal ko aor se kaat kar talvo par ragadne se sharir ki garmi khatm hoti hain.