Alexa Rank kya hoti hain? Ise kaise increase kare

Alexa rank kya hain?

Alexa ek website hain jo Amazon company ki taraf se banayi gyi hain. Alexa Rank veh rank hoti hain jo Alexa ki website kisi website ko ranking deti hain. Example ke taur maan lijiye hum sabhi students hain aur exam dene baad hamare dwara prapt kiye gye exam marks ke base par hamari apni class mein rank aata hain, Jaise ki koi 1st aata hain aur koi second aata hain, Kisi bhi Board/University ke exam ke baad marks ke according Students ki Merit List aur Ranking hoti hain. Usi tarah se Alexa bhi world ke har blog aur Website ki ranking , oos website/blog par aane wale daily traffic ke mutabik set karti hain.

Matlab Alexa Rank ke jariye aap samajh sakte hain ki koi Website/Blog world mein kitna famous hain. Koi blog/website kaun se desh mein kitna popular hain. Alexa traffic ke hisaab se har website ko rank deta hain. Isse pata chalta hain ki koi website kitne paaydaan (Position) par hain.

Alexa Kisi blog aur Website ko 2 tarah ki Ranking deti hain, Pahli rank Worldwide hoti hain, Jiska matlab yeh hota hain ki aapki website aur aapka blog Duniya mein kitna popular hain aur world mein iski kya position hain. Dusra Rank Country wise hota hain, Jiska matlab yeh hain ki aapke Blog/Website par agar kisi ek country ka zyada traffic aata ho toh veh Alexa Rank yeh show karti hain ki oos country mein aapki website ka Rank kya hain.

Duniya bhar ke Advertiser bhi Alexa rank ko kisi website ki popularity ka paimana mante hain. Acchi Alexa ranking hone se Advertiser khud b khud aapki website par khiche chale aate hain.

Kisi website ki alexa rank kitni honi chahiye ?

Kisi website ki Alexa Rank jitni kam hogi, Website ke liye utna hi accha hain. Top Alexa Ranking ke hisaab se Agar aapki Website ki Rank Worldwide 1 Lakh se kam hain toh Yeh bahut hi badhiya hain. Kyonki 1 Lakh se kam Alexa Ranking wali Website ko Top Website wala mana gaya hain. Alexa 1 lakh se kam ranking wali website ka sahi se ranking bhi deti hain. Lekin Kisi Website ka 1,00,000 se kam Alexa ranking ko pana Website ke high traffic par depend karta hain. Agar aapki Website sach mein 1,00,000 Ranking se kam hain toh sach mein aap great ho.

Alexa kaise tay karta hain kisi website ki ranking?

Alexa kisi bhi website ki ranking oos website par aane wale daily traffic ke mutabik tay karta hain. Aur yehi wajah hain ki har website ki Alexa ranking har din kam-jyada hoti rahti hain, Kyonki har website par har din kam-jyada traffic aata rahta hain. Isliye Alexa ranking ka paimana website ki traffic hain.

Alexa Ranking ko increase karne (Badhane) ke tips.

Alexa Ranking ko Increase (Badhane) ke tips ki jagah agar hum Alexa rank ko kam karne ki tips kahe toh zyada accha rahega. Kyonki Alexa rank jitni kam hogi utna hi accha hain. Yani ki Alexa rank ko Kam karne ki tips jante hain.

1. Alexa Rank Traffic par depend hota hain, Isliye koshish kare ki aap apni website par zyada se zyada visitors ko attract kare.

2. Alexa ranking acchi karne ke liye aap apne blog/website ko daily update karte rahe. Isliye aap apne blog/website par daily naye articles likhte rahe. Agar aap apne blog par daily article nahi likhenge toh aapke website ki alexa rank gir jati hain. Isliye Blog par hamesha nayi post jaroor likhte rahna chahiye.

3. Alexa Ranking ko increase karne ke liye jaroori hain ki aapke website par computer users ka traffic zyada aana jaroori hain. Kyonki agar aapki website par zyada computer/Laptop users visit karenge toh Alexa ranking aur bhi tezi ke saath increase karegi.

4. Alexa Ranking increase karne ke liye jaroori hain ki apni site ko attractive banaye, Jisse jyada users aapki website par aayenge aur zyada traffic ki wajah se Alexa Rank increase karegi.

5. Alexa Ranking ka Widget aap apne website par lagaye, Isse Alexa ko aapke website ko sahi rank karne mein madad milegi.

6. Koshish kare ki aapki website 1,00,000 ke under ho isse alexa sahi ranking deta hain.

7. Apni Website ka bounce rate kam karne ki koshish kare. Bounce rate vah hota hain jisse hame pata chalta hain ki aapki website par koi user aapki website par kitna waqt deta hain. Matlab ki aapki website par koi user kitna der tak thaharta hain. Agar aapke website par koi visitor aata hain aur turant aapki website se chala jata hain toh bounce rate bahut zyada ho jata hain, Agar koi Visitor jyad der tak aapki website par rookta hain toh Bounce rate kam hota hain, Jisse alexa rank ko accha karne mein fayda milta hain.

8. Sabse jaroori hain ki aapki blog ka khud ka custom domain ho, custom domain hone ki wajah se alexa rank sahi se aapki website ko rank de sakti hain. Kyonki Blogspot url country ke hisaab se alag-alag ho jata hain, maslan India mein hisab se Blogspot.in, England ke hisaab se Blogspot.co.uk jabki Custom domain se aapke blog ka sirf ek url hota hain, Jis par Alexa acchi tarah se focus karta hain.

Alexa rank ki kamiya : -

1. Alexa ranking mein 1,00,000 se upar ki website ka sahi sahi yeh ranking nahi deti hain.

2. Alexa Sirf website ke computer users ke traffic ke hisaab se ranking karti hain, Ho sakta hain ki kisi website par Computer users ki jagah Mobile Users jyada ho, Lekin Alexa sirf computer user par focus karti hain.

Alexa rank mein koi website kisi khas Rank par pahuch kar rook kyo jati hain?

Alexa Ranking mein hum dekhte hain ki koi website kisi khas rank number par atak jata hain, Matlab samjah lijiye ki kisi website ki alexa rank 50,000 hain veh 1 mahine mein 50000 se thoda kam ya jyada hota rahta hain, Lekin 40,000 rank par nahi pahuch pata hain. Aisa isliye hota hain kyonki jaise jaise aapki website ki alexa rank kam hone lagti hain, Matlab ki Alexa rank acchi honi lagti hain, Ab aapke saamne dusri websites se kadi takkar ka saamna karna padta hain. Matlab ki aapse aage wali websites bhi top ki websites hoti hain. Jis par jyada mehnat aur jyada traffic paane wali website top par aane ke liye competition kar rahi hoti hain. Yani ki high quality aur high traffic wali website baazi maar leti hain. Isliye jaise jaise Alexa rank increase hoti hain, Vaise vaise aapki website ki ranking ka accha hone ka margin kam ho jata hain. Yahi wajah hain ki aapki website kisi khas ranking mein atak jati hain.

Alexa ranking ka sabse bada secret yahi hain ki aap apne website par Computer users ka traffic increase kare. Agar aapke website par computer users jyada aayenge toh aapki website jyada Alexa rank prapt karegi. Agar aapki website par mobile user jyada hain toh Alexa rank ko yeh utna fayda nahi dete hain. Computer User hi Alexa ranking ke liye jaroori hain.